Quann’ ero piccerillo,
na Zia da mia me purtava abbascio ‘o mercato.
Diceva ca nuie simmo gente ‘e mare
e co’ mar’ dint’ avimma campà.
A Zia mia me dicette
che pe fuì da Morte,
ce vonno doie cose:
Curaggio e Ciorta.
Accussì,
mmiez’ a sti viche ‘e speranza
me mparaie a nutà.
M’aggrappavo ‘e panne stise,
pe me salvà.
E accussì,
m’aggio fatto curaggio
e m’accattaie na varchetella.
E seguenno na fila ‘e cielo
So’ arrivato mmiez’ ‘o mare.
Me so’ purtato appriesso na tazzulella ‘e cafè
C’addora ancora ‘e carezze ‘e Mammà.
Ccà fore l’aria è bona,
ma votta viento.
‘O penziero tuoie me scarfa,
ma dint’ è malutiempo.
Nun ‘o saccio comme va a fernì.
Sto mmano ‘a ciorta a Zì,
Dint’ a chistu mare ‘e speranza.
